BATEJADA 2017

Lo president de l'establiment APRENE, Joan-Loís Blenet, e lo conselh d'administracion vos convidan a la batejada de la còla dels calandrins en primièra annada de la formacion iniciala per venir regent a Calandreta.

Lo dijòus 7 de decembre de 2017 a partir de 7 oras del ser a l'Hôtel Assézat a Tolosa Sala Clémence Isaure – Plan d'Assézat

Debanament de la serada :
19 oras 00 Acuèlh

19 oras 10 Benvenguda e discorses

19 oras 40 Los calandrins presentan la demanda a las mairinas.

Las mairinas respondon.

20 oras 20 Presentacion de las revistas literàrias Lo Gai Saber, Òc e Reclams e remesa del 1èr numèro de l'abonament

Puèi moment de convivialitat a l'Ostal d'Occitània. Ongan, son 13 e causiguèron las tres cantairas del grop Cocanha. Amb Tolosa coma ponch de rencontre, lo trio canta naut e fòrt la lenga occitana de cada jorn, vertadièr terren de jòc vocal. Mans e pès pican los ritmes de la dança. Los tamborins a còrdas pirenencas installan lo bordon, brut et envolopant, que pòrta al cant una pulsacion vitala. Fòrta de son ancoratge, Cocanha canta una musica indigèna dins la continuitat de la creacion populara.

batejada_dec17_2mo.jpg